Sapo keni kontrolluar parashikimin e motit dhe duket se një valë nxehtësie po vjen. Te pelqen apo nuk te pelqen i nxehti, zemra juaj nuk do tia dije shum, ajo duhet të vazhdojë të pompojë gjak në trupin tuaj, pa marrë parasysh temperaturën.

Ndoshta keni vënë re që pulsi juaj rritet kur qëndroni në diell. Ose ndoshta keni ndjerë njëfarë marramendjeje pas një pasdite të gjatë të punës në kopsht. Pra, tani ndoshta po pyesni: A ka ndikim i nxehti tek puna e zemres time? Dhe nëse ka, a duhet të bëni diçka për këtë?​

 

Pse nxehtësia ndikon te zemra juaj

  Nxehtësia e bën zemrën tuaj të punojë shumë më shumë se zakonisht.

Kur është nxehtë, trupi yt lëshon ngrohtësi për t'ju ftohur. Kjo mund të duket e çuditshme. Por heqja pak nxehtësie nga brenda trupit tënd, ndihmon që temperatura bazë e trupit të ulet. Si ndodh kjo është fantastike dhe komplekse? Sistemi yt nervor autonom dërgon sinjale që i thonë zemrës të rrahë më shpejt dhe enëve të gjakut të zgjerohen.  Këto ndryshime të rëndësishme lejojnë më shumë gjak të rrjedhë përmes arterieve dhe venave afër sipërfaqes së lëkurës. Kur gjaku kalon nen lekures, ai humbet temperature në ajrin perreth. Kjo është gje e mirë kur bëhet fjalë për shmangien e sëmundjeve të lidhura me nxehtësinë, si lodhja nga nxehtësia ose goditja nga i nxehti.  Kjo bën që rrahjet e zemrës të rriten dhe djersa juaj të shtohet — dhe kjo potencialisht mund të çojë në uljen e presionit të gjakut. Sa më gjatë të qëndroni në nxehtësi, aq më shumë rrezikon zemra juaj.

 

Temperatura e larte çon në në rritje te rrahjeve te zemres

Për çdo gradë që temperatura e brendshme e trupit tuaj rritet në ambient te nxehte, rrahjet e zemrës rriten me rreth 10 rrahje në minutë. Kjo është shumë, edhe nëse jeni thjesht duke qendruar në një karrige dielli. Është e mundur që nxehtësia të rrisë ritmin e  të zemrës tuaj mbi 100 rrahje në minutë, që do të thotë se po përjetoni takikardi. Tani, imagjinoni nese jeni duke bere vrap apo duke punuar ne kopesht. Pa marrë parasysh motin, zemra duhet të pompojë më fort për të përmbushur ato kërkesa fizike. Shtoni nxehtësinë në këtë kombinim, dhe ritmi i zemrës mund të rritet shum shpejt mbi normalen.

​

Nxehtësia mund të shkaktojë ulje të presionit të gjakut

Kur enët tuaja të gjakut zgjerohen për të lejuar rrjedhjen e më shumë gjakut, presioni i gjakut mund të ulet. Një rënie e lehtë nuk do të të ndikojë shumë. Por sa më shumë qendron ne ambient te nxehte, aq më shpejt e pompon zemra gjakun — dhe aq më shumë duhet të zgjerohen enët e gjakut. Kjo mund të bëjë që presioni i gjakut të bjerë poshte 90/60 mm Hg — një gjendje që ne e quajmë hipotension, Kjo është më e ulët se normalja dhe mund të shkaktojë probleme nëse nuk korrigjohet shpejt.

​

Shenja paralajmëruese që zemra jote mund të ketë problem

Zakonisht, një rritje afatshkurtër e ritmit të zemrës ose një rënie e presionit të gjakut nuk është një arsye për shqetësim. Trupi yt thjesht po bën punën e tij për të të ndihmuar të ruash temperaturen e trupit konstante qe te mos rritet. Mund të mos ndjesh as ndonjë ndryshim. Por nëse ritmi i zemrës rritet shumë ose presioni i gjakut bie shumë, mund të fillosh të ndjesh pasojat. Mund te pesosh dehidrim, lodhje nga nxehtësia apo goditjen nga te nxehtit. Meqenese të gjitha këto probleme ndajnë shumë simptoma të përbashkëta, mund të mos arrish të kuptosh se çfarë po ndodh në atë moment. Në përgjithësi, disa shenja paralajmëruese për t’i pasur parasysh përfshijnë:

• Marramendje apo gjendje te fikti

• Ndjenja e lodhjes ose dobësisë trupore

• Dhimbje koke

• Rrahje të zemrës

• Ngërçe ne muskuj

• Të përzier ose të vjella

• Vështirësi në frymëmarrje

Nëse ndjeni ndonjë nga këto simptoma, është koha të largoheni nga ambienti i nxehte, gjithashtu sipas rastit mund te njoftoni edhe mjekun tuaj, I cili mund t'ju kërkojë të shkoni për një kontroll për t'u siguruar që jeni mirë. Kërkoni kujdes mjekësor menjëherë nëse keni shenja të goditjes nga i nxehti. Këto përfshijnë pamje të turbullt, konfuzion, marramendje, humbje ndjenjash apo veshtiresi ne te folur.

Faktorët e  rrezikut

Disa kushte mjekësore dhe medikamente mund të ulin aftësinë tuaj për të duruar nxehtësinë. Në terma të tjerë, jeni më të ndjeshëm ndaj nxehtësisë — dhe mund të filloni të ndjeni efektet më shpejt se të tjerët. Duhet te keni kujdes tnëse keni :

• Sëmundje të zemrës dhe enëve të gjakut

• Disautonomiy

• Sëmundje të veshkave

• Sklerozë multiple

• Hipotension ortostatik

• Mbipesha/obezitet

• Probleme respiratore, si astma ose SPOK

Ju gjithashtu mund të keni tolerancë më të ulët ndaj nxehtësisë nëse merrni:

• Medikamente për presionin e gjakut (antihipertenzivë)

• Diuretikë, që ulin volumin e gjakut

Te ruash zemren te shendetshme gjate stines se nxehte

I nxehti na ndikon pak a shumë të gjithëve në mënyra të ndryshme. Është një ide e mirë të flasësh me një mjek për të mësuar nëse duhet të kesh kujdes kur temperaturat janë të larta. Këto biseda janë veçanërisht të rëndësishme nëse je mbi 65 vjeç ose ke ndonjë nga faktorët e rrezikut të përmendur. Qoftë që je në vapë për punë apo për argëtim, përpiquni te bëni pushime në hijen ose në ajër të kondicionuar. Pini shumë ujë për të qëndruar i hidratuar. Vish rroba të lehta dhe të lira që lejojnë djersën të avullojë për të të freskuar. Minimizo kohën që kalon jashtë gjatë orëve më të nxehta të ditës. Edhe kur ti marresh këto masa , të dëgjuarit e trupit tënd është kyç. Nëse je në te nxehte dhe fillon të ndihesh i lodhur ose sikur zemra po rreh shumë shpejt, mos e injoro, Është e rëndësishme të ulësh menjëherë temperaturën bazë të trupit tënd. Kjo mund të nënkuptojë të ndalosh atë që po bën ose të marrësh një pushim më të gjatë.

​